Links
سجل معنا لترى موضوعاتنا ومفاجاتنا وحصرياتنا كاملة

واذا كنت عضو معنا رجاء بكتابة البيانات المطلوبة

Links

ستجد لدينا كل شئ تبحث عنه
 
الرئيسيةالبوابةاليوميةس .و .جالأعضاءالتسجيلدخول
Links wellcome
Links يرحب بالاعضاء الجدد
زائر انتظروا مفاجأة فريق لينكس مع بداية الشهر القادم
Links سجل معنا لترى موضوعاتنا ومفاجأتنا
http://links.ahlamontada.com مع افضل التمنيات بقضاء افضل الاوقات معنا فى منتدى لينكس

شاطر | 
 

 يوميات صايم مصامش حاجه جمييله جدا منقوله عن الزميل محمد احمد

اذهب الى الأسفل 
كاتب الموضوعرسالة
EMO.MS
مشرف لينكس
مشرف لينكس
avatar

الجنس : انثى

عدد المساهمات : 55
تاريخ التسجيل : 21/05/2009

مُساهمةموضوع: يوميات صايم مصامش حاجه جمييله جدا منقوله عن الزميل محمد احمد   الخميس سبتمبر 10, 2009 3:13 pm

السلام عليكم ورحمة الله وبركاته
كل سنه وانتم طيبين انا قولت انقل الموضوع ده بمناسبه رمضان وان شاء الله ينال اعجابكم الموضوع بيبدا ب:
دى عبارة عن مجموعة قصائد ترفيهيه عن يوميات صايم ما صامش حاجة
القصائد دى بتظهر المساوئ اللى بتحصل فى نهار رمضان وممكن تخرج الانسان المسلم عن معنى الصيام

الرجوع الى أعلى الصفحة اذهب الى الأسفل
EMO.MS
مشرف لينكس
مشرف لينكس
avatar

الجنس : انثى

عدد المساهمات : 55
تاريخ التسجيل : 21/05/2009

مُساهمةموضوع: رد: يوميات صايم مصامش حاجه جمييله جدا منقوله عن الزميل محمد احمد   الخميس سبتمبر 10, 2009 3:15 pm

لمشهد الأول من شخصية رقم واحد
كابتن صايم



كابتن صايم راجل رياضى

كان لعيب كورة فى الماضى<>ودلوقت ياعينى قاعد فاضى

كابتن صــايم قـــام من الـنـــوم<>علشـان يتسحـر ويصــــوم

وقــــــال يـــــارب اتقبـــل منا<>والخيــــــر علينـــــا يــدوم

والصبح نزل ع القهوة<>قاعد هناك بالساعات

هو وصحابه بيحكوا<>ع الدورى وع البطولات

ولحد العصر قاعد <>بيتكلم عن المنتخب

وهزايم على أرضنا<>وحاجات ليها العجب

ولما ييجى العصر<>جرى على السرير

ظبط المنبه ع المدفع<>مظبوط من غير تأخير

ماهو عاوز يعجل بالفطر<>صايم بجد مش أى كلام

عمل اللى عليه وزيادة<>وأدى فريضة الصيام

ودعى يارب احيينا نصوم بكرة< >زى النهاردة تمام.


بعد الفطار لازم تمارين< >فوق وتحت واحد اتنين

بعديها يشغل التلفزيون< >يشوف الاهلى بيلاعب مين

بيتفرج ع الماتش ضرورى< >ومش مهم يصلى القيام

داحنا كده تمام التمام< >وكفاية علينا ثواب الصيام

خلص الماتش خلاص < >يلزمه بقى شوية راحة

آخ نسيت أصل صاحبنا< >عنده ماتش نهائى فى الساحة

لبس الفوتبول جرى بسرعة< >أصله يبقى الهداف

أول مانزل ضرب زميله< >والحكم شجاع مش بيخاف

اداله كارت احمر على طول< >وصحابنا قال مش معقول

ازاى تطردنى يا ابن ال..< >وشتايم بقى للفجرية

باظ الماتش علشان صاحبنا< >مكانش عنده روح رياضية

الرجوع الى أعلى الصفحة اذهب الى الأسفل
EMO.MS
مشرف لينكس
مشرف لينكس
avatar

الجنس : انثى

عدد المساهمات : 55
تاريخ التسجيل : 21/05/2009

مُساهمةموضوع: رد: يوميات صايم مصامش حاجه جمييله جدا منقوله عن الزميل محمد احمد   الخميس سبتمبر 10, 2009 3:16 pm

الشخصية التانية
مع

أستاذ صايم


أستاذ صايم مربى فضيل

مدرس كفء ملوش مثيل----وقنوع بيرضى بالقليل

م الفجر قايم للسحور

و ع المدرسة جرى وبسرعة----علشان يلحق الطابور

وقعد نايم طول الحصة----واهم حاجة يمضى حضور

وان حد من الطلاب ضايقه----أو كلمه يغضب ويثور

قال ايه الصيام ياعينى----بيخليه دايما متضايق

وخلص اليوم الدراسى----واستاذنا كان مش رايق

كان نفسه ينام كمان ساعتين----علشان فى الدرس يبقى فايق

ولما كان الدرس----كان عنده طالب غلبان

مدفعش فلوس الشهر----وابوه ياعبنى عيان

استاذنا غضب واتنرفز----وطرده من الدرس كمان

وقاله حرام علي----انت مش انسان

ازاى متدنيش حقى----واحنا فى رمضان
الرجوع الى أعلى الصفحة اذهب الى الأسفل
EMO.MS
مشرف لينكس
مشرف لينكس
avatar

الجنس : انثى

عدد المساهمات : 55
تاريخ التسجيل : 21/05/2009

مُساهمةموضوع: رد: يوميات صايم مصامش حاجه جمييله جدا منقوله عن الزميل محمد احمد   الخميس سبتمبر 10, 2009 3:17 pm

الجزء الثانى من أستاذ صايم

استاذ صايم عنده دروس----م المغرب لحد الفجرية

مشغول جدا اوى بدروسه----وكمان الطلبة عنده غبية

كان كل مايتنرفز يشتم----بعديها يستغفر ويتوب

أستاذنا معذور يا اخواننا----الواد ماسك الكتاب مقلوب

واللى بقاله سنتين بيعيد----والطلبة غبائهم بيزيد

والحصة خلصت علشان----بيتفقوا على المواعيد

استاذ صايم ضميره مظبوط----وبيعمل كل اللى عليه

ومش بياخد فى الحصة ----اكتر من عشرة جنيه

ولو واحد غلبان بيساعده----وبيخصملوا 50 قرش

وكمان سايب الطلبة براحتهم----يعنى عليهم مبيسألش

مديهم مطلق الحرية----يجى مايجيش هو حر

اهم حاجة فلوسه كاملة----يدفعهاله آخر الشهر
الرجوع الى أعلى الصفحة اذهب الى الأسفل
EMO.MS
مشرف لينكس
مشرف لينكس
avatar

الجنس : انثى

عدد المساهمات : 55
تاريخ التسجيل : 21/05/2009

مُساهمةموضوع: رد: يوميات صايم مصامش حاجه جمييله جدا منقوله عن الزميل محمد احمد   الخميس سبتمبر 10, 2009 3:18 pm

الشخصية الثالثة

آنسة صايمة

آنسة صايمة بنت ملتزمة

متعملش حوارات ملهاش لزمة00وان حد عاكسها تضربه بالجزمة

مرضيتش تروح الكلية000علشان مش عايزة تقابل حد

اصلها خايفة على صيامها000وصحابها هناك غلسين بجد

غلبت تقولهم احنا فى رمضان00وانها لبست طرحة كمان

آه ماهى صايمة من الفجرية000ولحد المغرب ياجماعة

آنسة صايمة دى شخصية 0000محترمة جداً وشجاعة

صاحبها ميمى كلمها 00000على الموبايل فى العصرية

قالها ليه مجتيش من بدرى000دى الشلة قاعدة ومستنية

قالتله شوف يابنى,انا صايمة000وعن صيامى انا مش مستغنية

وانت كمان المفروض صايم0000اقعد بقى فى البيت ياحبيبى

واياك تكلمنى على المحمول000علشان هشيله خلاص من جيبى

واهجيبلك م الآخر ياعنيا0000علشان لا تفكر ولاتحتار

ريح نفسك انا مش جايه0000ياحبيبى غير بعد الفطار
الرجوع الى أعلى الصفحة اذهب الى الأسفل
EMO.MS
مشرف لينكس
مشرف لينكس
avatar

الجنس : انثى

عدد المساهمات : 55
تاريخ التسجيل : 21/05/2009

مُساهمةموضوع: رد: يوميات صايم مصامش حاجه جمييله جدا منقوله عن الزميل محمد احمد   الخميس سبتمبر 10, 2009 3:19 pm

الجزء الثانى

ضرب المدفع وآنسة صايمة0000قعدت تفطر معى أسرتها

بعديها نزلت جرى بسرعة0000علشان تلحق شلتها

راحت لقيتهم مستنيينها0000م المغرب قاعدين ياجماعة

سلمت على ميمى صاحبها000كان واحشها اوى بفظاعة

والكل قاعد مستنى000حد يجيبلهم الترويشة

قام توتو وقال حالا000راح اجيبلكم احلى شيشة

أنسة صايمة قالت ازاى000أشرب شيشة واحنا فى رمضان

رد ميمى وقالها عادى000داحنا شربنا بانجو كمان

آنسة صايمة قالت ياجماعة000رمضان ده شهر الطاعة

بلاش الشيشة وهات سجاير0000قالها انا معييش ولاعة

خليها شيشة على الفحم0000واهو بالمرة نولع بخور

ونقعد كده قعدة لطيفة00000ياجماعة لحد السحور
الرجوع الى أعلى الصفحة اذهب الى الأسفل
EMO.MS
مشرف لينكس
مشرف لينكس
avatar

الجنس : انثى

عدد المساهمات : 55
تاريخ التسجيل : 21/05/2009

مُساهمةموضوع: رد: يوميات صايم مصامش حاجه جمييله جدا منقوله عن الزميل محمد احمد   الخميس سبتمبر 10, 2009 3:20 pm

الشخصية الرابعة
الحاج صايم

الحاج صايم راجل بقّال

راجل أمين مش محتال000وتجارته ماشية عال العال

قفل المحل طول اليوم000وقال والله مانا شغال

واحد سأله ليه ياحج000توقف حالنا ورزق العيال

قاله يابنى انا راجل صايم000وعيب لما اكدب فى رمضان

علشان كده ريحت دماغى00وقمت قافل الدكّان

رد الراجل قاله ياحاج0000وانت هتكدب ليه ع الناس

رد الحج بكل شــجــاعة000وأمانة وصدق واخلاص

بينى وبينك انا عندى بضاعة000مدة صلاحيتها خلاص

وكمان كمية محدودة0000وشايلها للسوق السودا

قلت فى رمضان مش هبيعها000يمكن تغلى كمان ع العيد

وبكده ابقى حفظت صيامى0000ورزق ولادى كمان هيزيد
الرجوع الى أعلى الصفحة اذهب الى الأسفل
EMO.MS
مشرف لينكس
مشرف لينكس
avatar

الجنس : انثى

عدد المساهمات : 55
تاريخ التسجيل : 21/05/2009

مُساهمةموضوع: رد: يوميات صايم مصامش حاجه جمييله جدا منقوله عن الزميل محمد احمد   الخميس سبتمبر 10, 2009 3:20 pm

الجزء التانى

فطرنا خلاص ولقينا الحاج000نازل علشان يفتح محله

واحد فينا استغرب جدا0000راح للحاج صايم وقاله

انت يا حاج مش قلت خلاص00مش فاتح غير بعد العيد

وانك فى رمضان مش هتكدب000ايه بقى اللى جد جديد

رد الحاج وقال بشجاعة000اهل الحارة هيموتوا ياجماعة

انا قررت خلاص بامانة0000راح اتبرع بالبضاعة

أهل الحتة دعولوا كتير00000بس انا بقى مدخلتش عليا

قلتله قول بصراحة متخافش00ايه حكاية التبرع ديا

قالى بينى وبينك انا سمعت00ان مباحث التموين جايه

يعنى البضاعة هتتصادر000وكمان واقفة عليا بخسارة

قلت بدل مارميها فى الشارع000اتبرع بيها لأهل الحارة

واهى صدقة وثوابها كبير0000هاخد بيها فى الجنة عمارة
الرجوع الى أعلى الصفحة اذهب الى الأسفل
EMO.MS
مشرف لينكس
مشرف لينكس
avatar

الجنس : انثى

عدد المساهمات : 55
تاريخ التسجيل : 21/05/2009

مُساهمةموضوع: رد: يوميات صايم مصامش حاجه جمييله جدا منقوله عن الزميل محمد احمد   الخميس سبتمبر 10, 2009 3:22 pm

الشخصية الخامسة
الست صايمة


الست صايمة ست فضيلة

محترمة جدا وفضيلة00وكمان تبقى كبيرة العيلة

اخدت قرار شجاع جدا00انها هتشيل التليفزيون

ولما لقت نفسها زهقانة000راحت مسكت التليفون

قالت تسلم على اخواتها00واهو بالمرة تسلى صيامها

مسكت لستة التليفونات000لقيت 100 نمرة قدامها

وبعد العصر سابت التليفون00راحت طالعة على جارتها

لقيت كل جيرانها هناك000كل واحدة مخنوقة من بيتها

قالوا نحكى مشاكل الناس000يمكن تهون علينا مشاكلنا

شفتى فلانة ضربت ابنها00واحنا مش عارفين نربى عيالنا

وفلانة جوزها ياعينى طلقها000علشان حرقتلوا التلاجة

وفلانة خطيبها سابها0000والست صايمة ماقالتش حاجة

لحد ما المدفع ضرب0000دعت بدعاء الافطار

قالولها انتى ليه ساكتة000يااختى من اول النهار

قالت وأضيع صيامى؟00000علشان اتكلم معاكم

ادينى عرفت اللى انا عايزاه00ودلوقت بقى يسعد مساكم
الرجوع الى أعلى الصفحة اذهب الى الأسفل
EMO.MS
مشرف لينكس
مشرف لينكس
avatar

الجنس : انثى

عدد المساهمات : 55
تاريخ التسجيل : 21/05/2009

مُساهمةموضوع: رد: يوميات صايم مصامش حاجه جمييله جدا منقوله عن الزميل محمد احمد   الخميس سبتمبر 10, 2009 3:23 pm

الاسطى صايم

الاسطى صايم سواق ماهر

حريف فى سواقته وشاطر000يروح مشوار وكأنه مسافر

سايق دايما مستعجل000وان حد قاله على مهلك

يتنرفز جدا اوى ويزعق000ويقوله انت مال أهلك

عصبى جدا بالذات لو صايم00زيه زيى بقيت الناس

بس هو عصبى زيادة000أصله راجل حساس

واحد خبط العربية بتاعته000وكان قاعد كده ولا هامه

صاحبنا اتنرفز اوى واتعصب000وخبط الراجل سيح دمه .

قال يستاهل كان هيضيع صيامى000حد يشيله من قدامى

انا مش طايق اشوف وشه000واحد قاله اهدى يابيه

وتعالى وصلنى لحد العتبة00قاله هاخد عشرة جنيه

الراجل استغرب اوى 000كان هيغمى ياعينى عليه

قال حرام عليك ياسطى000عاوزنى ادفع كل ده ليه

رد صاحبنا وقاله يادوبك00انت متعرفش البنزين غالى

مش معقول تبقى صايم00وتقول مايغلى وانا مالى

ده رزق ناس يابنى0000عاوز تاخد رزق عيالى
الرجوع الى أعلى الصفحة اذهب الى الأسفل
EMO.MS
مشرف لينكس
مشرف لينكس
avatar

الجنس : انثى

عدد المساهمات : 55
تاريخ التسجيل : 21/05/2009

مُساهمةموضوع: رد: يوميات صايم مصامش حاجه جمييله جدا منقوله عن الزميل محمد احمد   الخميس سبتمبر 10, 2009 3:24 pm

الشخصيه السابعه
الواد صايم

الواد صايم حبيب جده

صايم بقى ومحدش قده000ومافيش قبله ولا فيه بعده

هو حبيب اصحابه واهله000ولما يشوف محتاج بيساعده

فكر وقال انا لازم اساعد000اصحابى اللى بيحبونى

بس ازاى اساعدهم000دول ياما زمان ساعدونى

جاتله فكرة لذيذة فعلا000قال هساعد اصحابى الصايمين

راح استخبى فى الحمام000واستنى كده يجى ساعتين

لحد ماصاحبه حمادة0000نسى وراح علشان يشرب

لقى بمب وصواريخ 00ومدافع عمالة بتضرب

توتو خاف اوى ووقع00ع الارض وصايم نازل ضحك

قاله تعيش وتاخد غيرها000وراح يشترى تانى م الكشك

حمادة قاله حرام عليك00بطل شقاوة فى رمضان

قاله دانا بساعدك ياحبيبى00المفروض تشكرنى كمان

امال اصلى صيامى بايه0000هو البمب ده احلى العابى

راح افرقعه فى اخواتى0000وجيرانى وكل صحابى
الرجوع الى أعلى الصفحة اذهب الى الأسفل
EMO.MS
مشرف لينكس
مشرف لينكس
avatar

الجنس : انثى

عدد المساهمات : 55
تاريخ التسجيل : 21/05/2009

مُساهمةموضوع: رد: يوميات صايم مصامش حاجه جمييله جدا منقوله عن الزميل محمد احمد   الخميس سبتمبر 10, 2009 3:25 pm

الشخصيه الثامنه
عم صايم


عم صايم راجل غلبان

على قد حاله واقل كمان0000طول الليل قاعد سهران

على باب الجامع مستنى الفجر00فرصة واحنا فى رمضان

أى حد يشوفه يقوله 0000أنا طالب منك احسان

حسنة قليلة هتمنع عنك000بلاوى وترتاح على طول

وانا عاوز اعلم عيالى0000وأدفع فاتورة المحمول

واحجز لابنى فى مدرسة خاصة000وكمان عاوز اعمل مشروع

راح يضمن مستقبل اسرة0000وهيحميها كمان م الجوع

والصدقة فى رمضان مستحبة00ادينى من اللى عندك حبة

مرة يقعد على كرسى ويشكى000انه ياعينى مابيمشيش

ومرة يعمل نفسه كفيف0000علشان عاوز ياكل عيش

وكمان مع شدة حاله0000عاوز ياخد ثواب الصيام

واحد قاله ماتفطر يابنى000قاله افطر لا حراااااااااام
الرجوع الى أعلى الصفحة اذهب الى الأسفل
EMO.MS
مشرف لينكس
مشرف لينكس
avatar

الجنس : انثى

عدد المساهمات : 55
تاريخ التسجيل : 21/05/2009

مُساهمةموضوع: رد: يوميات صايم مصامش حاجه جمييله جدا منقوله عن الزميل محمد احمد   الخميس سبتمبر 10, 2009 3:26 pm

الشخصيه التاسعه والاخيره

موظف صايم


صايم أفندى موظف همام

راجل صح مش أى كلام0000رايح شغله فى معاده تمام

يمكن يقعد ساعة يصلى0000ايمان وتقوى من غير مقاطعة

وساعات يقعد يسلى صيامه000ويحل الكلمات المتقاطعة

أو يمكن صاحبه يجيله00000ويقعد وياه طول اليوم

وان جاله مواطن فى شغل00مش معقول هيسيبه ويقوم

ممكن ده يفوت بكرة0000أو بعده او مايجيش تانى

انما بقى لو جاله مفتش00او مسئول يخلصه فى ثوانى

ويرجع تعبان اوى من شغله000من حقه يريح ساعتين

ومنبهه مظبوط تماااام0000قبل المغرب بدقيقتين

يصحى ويفطر كده على طول000ويدعى صيامه يكون مقبول

وكمان يدعى يارب ابعد عنى0000شر كل مسئـــــول


النهايه


وكل عام وانتم بخير
الرجوع الى أعلى الصفحة اذهب الى الأسفل
 
يوميات صايم مصامش حاجه جمييله جدا منقوله عن الزميل محمد احمد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Links :: المنتدى العام-
انتقل الى: